М. С. Щепкин атындагы жогорку театралдык окуу жайында билим алып жаткан студенттер гастролдук тур менен Кыргызстандын аймактарын кыдырат
14-28-май аралыгында Россиянын Мамлекеттик академиялык Кичи театрынын алдындагы М. С. Щепкин атындагы жогорку театралдык окуу жайында (Институтунда) билим алып жаткан кыргызстандык студенттер өлкө ичинде гастролдук тур менен аймактарды кыдырууда. Маданий иш-чаранын алкагында жаш актерлор өздөрүнүн өнөрүн мекендештерине тартуулап, бир катар спектаклдерди коюшат.
Гастролдук тур Бишкек, Ош, Жалал-Абад жана Нарын шаарларында өтүп, анда көрүүчүлөр классикалык драмалардан түзүлгөн программага күбө болушат.
Ар бир коюлган спектакль кыргызстандык студенттердин Москвадагы театр мектебинен алган билимин жана чыгармачылык изденүүсүн чагылдырат.
Студиянын куратору - Алайбек Тойчубеков.
Гастролдук тур Кыргыз Республикасынын Маданият, маалымат жана жаштар саясаты министрлигинин колдоосу менен уюштурулууда.
